الليلة ديا مش ليلة عادية
الليلة ديا ذكرى فراق اغلى حبيب ليا
يمكن بجسمه فارقنى .. لكن روحه ما بتفارقنى
على بالى دايما حوليا عايش فى كل مكان
دا اول انسان فى الدنيا شافنى وسمى و على ايده شالنى
اكتر واحد فى نجاحى فرحلى .. اخر واحد فى الدنيا يفكر يجرحنى
علمنى ازاى ابقى إنسانة ..علمنى الصدق و العدل والامانة
بقى كل هدفى فى الدنيا ابقى حاجة واحاول اردله ولو حاجة
من الف حاجة عملها عشانى
فى النهاية .. عاوزة اقوله وحشتنى ولو بتحبنى تزرنى الليلة
ديا فى المنام وتاخدنى فى حضنك تضمنى و على كتفك انام
منى سلام ..منهم سلام يا احن اب فى الدنيا عليك السلام
ليست هناك تعليقات:
إرسال تعليق
يشرفنا نعرف رأيكم