شيكا بيكا وبولتيكا
ومقالب أنتيكا
ولا تزعل ولا تحزن
اضحك برضه ياويكا
هاهاها . . ع الشيكا بيكا . .
أنا باضحك من قلبى يا جماعة
مع انى راح منى ولاعة
وبطاقتى فى جاكتة سرقوها
وغتاتة كمان لهفوا الشماعة
بقيت أرجف من السقعه
لكن باضحك
والضحك ده مزيكا
كهربا على ميكانيكا
اضحك ع الشيكا بيكا
هاهاها . .
ع الشيكا بيكا .
أنا راح مني كمان حاجة كبيرة
أكبر من إني أجيب لها سيرة !
قلبي بيزغزغ روحه بروحه
علشان يمسح منه التكشيرة
ادعوله ينساها بقى ويضحك
الضحك ده مزيكا
كهربا علي ميكانيكا
اضحك ع الشيكا بيكا
ها ها ها ها .. ع الشيكا بيكا !
ها تقولى الشيكا بيكا
ايه هىّ . .
الفرقة . . والحرقة . . والغرقة . .
والزومبة فى البمبة الذرية . .
بدل ما نطق . . ولا لاء نضحك
ده الضحك ده مزيكا
كهربا على ميكانيكا
اضحك ع الشيكا بيكا
هاهاها . .
ع الشيكا بيكا
ولا تزعل ولا تحزن
اضحك برضه ياويكا
هاهاها . . ع الشيكا بيكا . . ع الشيكا بيكا
بحب الاغنيه دى أوووى
ردحذفوبسمعها لما ببقى مخنوقه
كعادة جاهين والسندريلا...ابدااااع
تحياتى
الأخت الغالية والعزيزة / ريم
ردحذفوحشتينا جدا جدا ... إختيار موفق ... دمتى بكل الحب
تحياتى
أخوك / تامر
اهلا وسهلا يا دعاء
ردحذفومرسى جدا على تعليقك