سفرنا طويل

سفرنا طويل .. وزادنا الصبر والتساهيل
 
دروعنا صاري وسفينة .. توصّل غيرنا للمينا

وترجع بينا للأمواج .. ولا بنميل !

سفرنا طويل وزادنا الصبر والتساهيل

وأه يا جزيرة الأحلام .. دفعنا الدم والأيام

عشان مرة نعديلك .. عشان تضوي قناديلك

ولا وصلنا في يوم بَرِك .. بأي سبيل !

سفرنا طويل وزادنا الصبر والتساهيل

في بحر الغربة والأحزان .. ولما بيصرخ الطوفان

وتبقى الروح على كفة .. بيهرب صاحب الدفة

ويغرق حلمنا في الشط .. مع القناديل !

سفرنا طويــــل .. وضاع الصبر والتساهيل

وتيار الأماني ضاع .. لا ده مركب ولا ده شراع

ولا معنى لأي دموع .. ولا معنى لأي وداع

دفعنا العمر في الرحلة .. وهيه رحيـــــــل ...

سفرنا خلاص ماعدش طويـــــــــــــــــــــل !!!! .



غناء  الحنجره الذهبيه 
علي الحجــــــــــــــــار 

 كلمات جمال بخيت
الحان احمد الحجار
download