وانا النهاردة كلامى عن الناس الرجــــــــالة
اللى دايما شايلين مش كل يوم بحـــــالة
والكـــــــــــــــــلام دا مش بس للرجالة
دا فى ستات كتير ايديهم شغـــــــــــالة
لو اتسندت عليه تلاقيه دايما معـــــــــاك
من صبحيه ربنـــــــــــــــا وهو واقف وياك
جنب ابوه وامه بيساعدهم ويساعد معاهم
وعايش بدعوتهم وفايز برضـــــــــــــاهم
وفى وسط اصحابه اسمه الجــــــــــــدع
يفرح معـــــــــــاهم ويداوى اللى اتوجع
ومراتــــــــــــــه فى كل حتة بتشكر فيه
جوزى الحنين اللى بتسند علــــــــــــــيه
وبص يا اخويــا انا قلبى بيوجعنــــــــى
من صاحبى اللى سايبنى ولا حتى بيسمعنى
بس شاطر اشوفه فى الجم بينفش دراعه
ولو صاحبه احتاجله طنشـــــــــــــه وباعه
الرجولة يا صاحبى مش عضلات هتفرقع
الرجولة لما احتاجلك الاقيك بتستجـــــدع
وانت يا راجل فين حســــــــك مع مراتك
مش حســــــك العالى انا اقصد مساعداتك
قودام التليفزيون وســـــــــــــايب الغلبانة
تأكل و تلبس وتعمل ميــــــــــــت شغلانة
قوم ساعدها دا انت وجــــــــــــودك بالدنيا
مراتك ملهاش غيرك ولا عايزه حاجة تانية
غير راجل بجد حــــــــــــــــــــــــنين عليها
يربى العيال وايده فى ايديـــــــــــــــــــــــها
وسورى يا ماما مش جــــــاى الدكتور معاكى
عشان خارج مع صحابى ومعزوم فى كنتاكى
وياريت تاخدى مواصلات وتسبيلى العربـــية
عشان اعدى على صحبتـــى دى واقفة مستنية
اصلى انا راجل وجـــــــــــدع ودماغ وراسى
ومحبش صحبتى تتبهدل فى التكـــــــــــــاسى
وبصراحة انا اتخرجت وبدورعلى شغل ظريف
يدونى لاب توب ويقعدونى فى التكيــــــــــــف
لا احب انزل مشـــــــــــــــــاوير واتعب نفسى
انا اعد فى مكتبى باشـــــــــا اشرب شاى وببسى
بقولك ايه يا صاحبى متسبنى اقـــــــــــــــــــــــــــــول
اتعلم الجدعنة من سيـــــــــــــــــــــــــــــــــدك الرسول
يبقى غنى ويصـــــــــــــرف فلوسه على صحابه الكتير
ويخش جوا بيته ياكل خبز الشعيــــــــــــــــــــــــــــــــــر
يروح البيت نفسه يستريح يقــــــــــــــــوم يخيط جلبيته
ويطمـــــــــــن على مراته ويحلب المعزة ويصلح جزمته
ويشيل التراب من الحفرة الكبيــــــــــرة وصحابه حواليه
وهو بيشيل يغنى معاهم والضحـــــــــــــــــكة فى عنيه
ويوم القيــــــامة الكل مشغول بنفسه وهو يقول امتى
مش هدخل جنتى الا وانتم معايا عشان تكمل فرحتى
ادى جدعنة النــــــــــــــــــــــــــبى للى عاوز يمشى وراه
ويعمل زيه فى اخلاقه عشان ربه يجيبه معــــــــــــــــــــاه
ليست هناك تعليقات:
إرسال تعليق
يشرفنا نعرف رأيكم